ಇಎನ್ಎಲ್ ಧಾರವಾಡ
ಹುಬ್ಬಳ್ಳಿಯ ಬಿಡ್ನಾಳ ಗ್ರಾಮದಲ್ಲಿ ಮೂರು ಮನೆ ಕಳವು ನಡೆದಿದ್ದು, ₹2 ಲಕ್ಷಕ್ಕೂ ಹೆಚ್ಚಿನ ಮೌಲ್ಯದ ಚಿನ್ನಾಭರಣ ಹಾಗೂ ನಗದು ಕಳವಾಗಿದೆ.
ಗ್ರಾಮದ ಪಾಂಡುರಂಗ ಕಾಲೊನಿಯ ರೇಣುಕಾ ಹುಲ್ಲಮ್ಮನವರ ಮನೆಯ ಬಾಗಿಲು ಮುರಿದು ₹70 ಸಾವಿರ ನಗದು, ಮೆಹಬೂಬ್‌ ಅಂಬಿಗೇರ ಅವರ ಮನೆ ಬಾಗಿಲು ಮುರಿದು ₹39 ಸಾವಿರ ಕಳವು ಮಾಡಲಾಗಿದೆ. ಹಾಗೂ ಪಿಂಜಾರ ಓಣಿಯ ಇಸಾಯಿಲ್‌ಸಾಬ್‌ ನದಾಪ್‌ ಅವರ ಮನೆ ಬಾಗಿಲು ಮುರಿದು ₹1.17 ಲಕ್ಷ ಮೌಲ್ಯದ ಚಿನ್ನಾಭರಣ ಕಳವು ಮಾಡಲಾಗಿದೆ. ಬೆಂಡಿಗೇರಿ ಪೊಲೀಸ್‌ ಠಾಣೆಯಲ್ಲಿ ಮೂರು ಪ್ರತ್ಯೇಕ ಪ್ರಕರಣ ದಾಖಲಾಗಿದೆ.
