ಇಎನ್ಎಲ್ ಇನ್ಫಾರ್ಮೇಶನ್ ಸೆಂಟರ್
ಅರಬ್ ರಾಷ್ಟ್ರಗಳಿಗೆ ಆಹಾರ ಪೂರೈಕೆ ಮಾಡುವ ವಿಚಾರದಲ್ಲಿ ಭಾರತಕ್ಕೆ ಮತ್ತೆ ಮೊದಲ ಸ್ಥಾನ ಲಭಿಸಿದೆ. ಈ ಮೂಲಕ ನಮ್ಮ ದೇಶ ಬ್ರೆಜಿಲ್ ಅನ್ನು ಹಿಂದಿಕ್ಕಿದೆ.
ಹದಿನೈದು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಇಂಥ ಬೆಳವಣಿಗೆಯಾಗಿದೆ. ಭಾರತದ ಸಾಧನೆ ಬಗ್ಗೆ ಅರಬ್-ಬ್ರೆಜಿಲ್ ವಾಣಿಜ್ಯ ಒಕ್ಕೂಟ ಬಿಡುಗಡೆ ಮಾಡಿದ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಭಾರತದಲ್ಲಿ ಕೊರೋನಾ ಸೋಂಕಿನಿಂದ ಉಂಟಾಗಿರುವ ಪ್ರತಿಕೂಲ ಪರಿಸ್ಥಿತಿಯಲ್ಲಿಯೂ ಇಂಥ ಸಾಧನೆ ಮಾಡಿರುವುದು ಗಮನಾರ್ಹವಾಗಿದೆ.
ದೇಶಕ್ಕೆ ಪ್ರಬಲ ಸ್ಪರ್ಧೆಯನ್ನು ಬ್ರೆಜಿಲ್ ನೀಡಿದ್ದರೂ, ಒಟ್ಟಾರೆಯಾಗಿ ದೇಶವೇ ಈ ವಿಚಾರದಲ್ಲಿ ಅಗ್ರ ಸ್ಥಾನ ಗಳಿಸಿದೆ. ಬ್ರೆಜಿಲ್ನಿಂದ ಕೃಷಿ ಸಂಬಂಧಿತ ವಸ್ತುಗಳ ರಫ್ತು ಅರಬ್ ರಾಷ್ಟ್ರಗಳಿಗೆ ಶೇ.1.4ರಷ್ಟು ಏರಿಕೆಯಾಗಿದೆ.