ಇಎನ್ಎಲ್ ಧಾರವಾಡ: ಇಲ್ಲಿನ ವೀರಾಪುರ ರಸ್ತೆ ಬಡಿಗೇರ ಓಣಿಯ ನಿವಾಸಿಯಾದ ಯುವತಿಯೊಬ್ಬಳ ಹೆಸರಲ್ಲಿ ನಕಲಿ ಇನ್ಸ್ಟಾಗ್ರಾಂ ಖಾತೆ ತೆರೆದು ಅಶ್ಲೀಲ ಚಾಟಿಂಗ್ ಮಾಡಿ ಅವರ ಗೌರವಕ್ಕೆ ಧಕ್ಕೆ ತಂದ ಪ್ರಕರಣ ಬೆಳಕಿಗೆ ಬಂದಿದೆ.
ಇಟ್ಸ್‌ ಸೋನು 143 ಎಂಬ ಖಾತೆ ತೆರೆದ ದುಷ್ಕರ್ಮಿಗಳು ಯುವತಿಯ ಫೋಟೋ ಬಳಸಿದ್ದಾರೆ. ಬಳಿಕ ಬೇರೊಬ್ಬರ ಜೊತೆಗೆ ಅಶ್ಲೀಲ ಚಾಟಿಂಗ್ ಮಾಡಿ ಹುಡುಗಿ ಹೆಸರು ಹಾಳಾಗುವಂತೆ ಬಿಂಬಿಸಿದ್ದಾರೆ.
ಈ ಬಗ್ಗೆ ಇಲ್ಲಿನ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಕೈಗೊಳ್ಳಲಾಗಿದೆ.
